Автор Неизвестен – Древнерусские патерики (страница 7)

Ты же, брате и сыну, сим не воследуй, не тех бо ради пишу се, но да²⁹ тебе приобрящу. Свет³⁰ ти даю: богочестием утвердися в Печерском манастыри, //

л. 25 не восхощи власти, ни¹ игуменства, ни епископьства²; довлеет ти³ ко спасению, еже кончати⁴ жизнь свою⁵ в нем. Веси сам, яко могу сказати всех книг подобнаа, уне ми, и тобе полезное, еже от того и⁶ божественаго, и святаго манастыря Печерскаго сдеянаа и слышанаа от многа мала сказати ⁷о Христе Иисусе, ⁸Господе нашем, ему же слава со Отцемь и Святым Духом⁹.

¹⁰Слово о преподобнем князе Святоши Черниговском[111]

¹¹Господи, благослови¹²

И се разумев блаженый князь Святоша, оставив¹³ княжение и славу, честь и богатство, и рабы, и весь двор¹⁴ ни во что же вмени, и¹⁵ бысть мних.

Его же вси сведают ту сущии черноризци добродетелное житие и послушание. Пребысть убо в¹⁶ поварни 3 лета, работаа на братию; и¹⁷ своима рукама дрова сека¹⁸ на потребу горохови, многажды же¹⁹ и з брега на свою раму ношаше дрова; едва отстависта²⁰ братиа²¹ его Изяслав и Володимер[112] от таковаго дела. Сий же истинный послушник с молбою испроси, да едино лето яглы варит на братию. И тако сий яко искусен и свершен во всем, посем приставишя его ко вратом манастыря²²; и ту пребысть²³ 3 лета, не отходя никаможе²⁴, разве церкве. И оттуду повелено убо бысть ему служити на трапезе. И талко, игуменею волею и всея братия, //

л. 25 об. принужен бысть келию собе имети, юже и сотвори, яже и доныне есть зовема¹ «Святошина», и оград^{2 З}в ней же⁴ своима рукама насади.

Глаголют⁵ же о нем се, яко вся лета чрнечества его не виде его никтоже николиже седяща⁶ праздна, и сим доволни быти одежи его от таковаго рукоделиа⁷, или седя, или поя. Не вкуси иного ничтоже; аще и много имяше, та вся на потребу ⁸имяше странным и нищим⁹ и на церковное строение. Суть же и книгы многы и доныне у вас. Сам же от манастырскыа¹⁰ яди всегда питашеся.

Имеяше¹¹же сей блаженый князь Святоша, и еще в княжении сый, лечца ¹²велми хытра¹³, именем Петра, родом сурянина¹⁴, яже и¹⁵ прииде¹⁶ с ним в манастырь. Видев¹⁷же сего волную нищету, в¹⁸ поварни же и у врат приседяща, лишився его, живяше в Кыеве, врачюя многы. Прихожаше же часто ко блаженому и, видя его¹⁹ в злострадании и безмерном посте, увещеваше²⁰ его, глаголаше: «Княже, достоит ти смотрити о своем здравии, а не тако погубити плоть свою многим воздержанием, иже некогда изнемогшу ти, не мочи имаши понести наложенаго ти ярма, иже ²¹изволил еси²² Бога ради. Не бо хощет Бог чрес //

л. 26 силу поста или труда, но точию сердца чиста и сокрушена; ¹ниже обыкл еси² той нужи, юже твориши, работаа, яко сетный холоп³. Но и благочестивая твоя братиа Изяслав и Володимер велику укоризну творита собе твою нищету, от таковыя убо⁴ славы и чести в последнее убожество прииде, еже умаряти тело свое и датися⁵ в недуг неподобныа пища. Дивлюся утробней ти влазе, иже иногда тяжка бывши⁶ от сладкыа пища, ныне же⁷ убо сурово зелие и сухый хлеб приемлющи, трпить. Да когда⁸ недуг отвсюду собравшися⁹, и¹⁰, не имущу ти крепости, скоро живота гоньзнеши¹¹, мне же не могущи¹² ти помощи, оставиши плачь неутешим братома своима. ¹³Се же и бояре¹⁴, служившей тебе, мнящеся иногда велици быти¹⁵ и славни тебе деля¹⁶, ныне же лишени твоеа любве, желетве¹⁷; домы великыа сотворше, седят¹⁸ в них во мнозе унынии. Ты же не имаши^{19 20}где ни главы²¹ подклонити, на сметии сем седя, и мнят тя²² яко изумевшася²³. Кый убо от²⁴ князь се створи²⁵? Ли²⁶ блаженый отець твой Давид, или дед твой Святослав, или кто в боярех²⁷ сего пути вжеле, разве Варлама, игумена²⁸ //

л. 26 об. бывшаго зде¹[113]? Преже суда суд приимеши».

Се бо многажды глаголаше ему, овогда в поварни с ним седя, иногда же² у врат, научен быв братома его. Отвеща блаженый: «³Брате Петре⁴! Многажды смотрив, разсудих⁵ не пощадети плоти моеа, да пакы воставлю брани на ся: да склещаема⁶ многым трудом, смирится. Сила бо моа в немощи свершается[114]. Не бо суть страсти нынешняго времени точны будущей славе⁷ явитися в нас[115]. Благодарю же Господа, яко свободил мя есть⁸ от мирскиа работы и створил мя есть⁹ слугу рабом своим, блаженым сим черноризцем¹⁰. Брата¹¹ же моа да внимаета¹² собе, кождо бо свое бремя понесет[116], и довлеет има моа власть. Си¹³ вся ¹⁴Христа ради оставих¹⁵: и¹⁶ жену, и дети¹⁷, дом, и¹⁸ власть, и братию, други, и¹⁹ рабы, и села, — и²⁰ оттого²¹ чаю жизни вечныа наследник быти. Обнищав²² же Бога ради — да того приобрящу[117]. И ты убо, ²³врачюеши когда²⁴, не гнушати ли ся велиши брашен? Мне же умрети Христа ради — прибыток есть[118], а²⁵ еже²⁶ на сметиищи сидети — со Иевом ²⁷творю царствия²⁸[119]. Аще же ни един князь сего²⁹ сотворил преж мене, предвожа³⁰ являюся им: кто же ли поревнует сему, да вследует сему и мне. Прочее же внимай себе и научившим тебе³¹».

Егда убо разболяшеся сий блаженый, видев³² его, лечец готовает³³ зелие на потребу³⁴ врачеваниа ³⁵на кыйже недуг, //

л. 27 когда беяше¹ или огненое жьжение, или теплота кручиннаа², преже пришествиа его³ здрав бываше князь, никакоже дадый⁴ себе врачевати. Се⁵ многажды сотворися. Некогда же тому⁶ Петрови⁷ разболевшуся, Святоша посла к нему, рече⁸: «Аще не пиеши зелиа, скоро исцелееши; аще⁹ мене преслушаешися, много имаши пострадати¹⁰». Сий же, хитр ся¹¹ творяше и болезни гоньзнути хотя, мало¹² живота не погреши, растворениа¹³ вкусив, молитвою же сего¹⁴ исцелев¹⁵.

Пакы же тому¹⁶ разболевшуся, наричие посылает тому¹⁷, глаголя, яко: «В 3 день исцелееши¹⁸, аще ся не врачюеши¹⁹». Послушав²⁰ же его²¹, сурянин²² в 3 день исцеле по словеси блаженаго. Призвав же его, Святоша повеле ему острищися: «По трех бо месяцех²³ отхожу света сего». Се же рече, назнаменуя ему смерть. Сурянин²⁴ же не разуме хотящаго ему быти. Сий же²⁵ Петр пад²⁶ пред ногами²⁷, со слезами глаголя: «Увы мне, господине мой, и добродетелю мой, и драгый²⁸ мой животе! Кто призрить страньствие мое? Кто напитает многую чадь требующих? ²⁹Кто заступит обидимых³⁰? Кто помилует нищих? Не рех ли ти³¹, княже, оставити имаши³² плач неутешимы братома си³³? Не рех ли ти, о княже, не тако³⁴ ли³⁵ мя словом Божием исцели и силою, ³⁶якоже твоею молитвою³⁷? Кде ныне отходиши, пастырю //

л. 27 об. добрый? Повежь мне, рабу своему, язву ту смертную, да аще ¹аз тя² не изврачюю, да будет глава моа за главу твою ³и душа моа за душю твою⁴![120] Не молча отъиди от мене, яви ми⁵, господине мой⁶, откуду ти⁷ есть⁸ таковаа весть, да дам живот свой за тя! Аще же известил ти⁹ Господь о том, моли его, да аз умру за тя! Аще ¹⁰ли же¹¹ оставляеши мя, да¹² где сяду и плачюся своего лишениа: на сметии¹³ ли сем, или во вратех сих, идеже пребываеши? Что ли имал¹⁴ наследствовати твоего знамениа? Самому ти нагу сущу, но и отходящу ти, в сих исплатанах¹⁵ рубищих¹⁶ положен будеши. Даруй же ми твою молитву, якоже¹⁷ древле Илиа¹⁸ Иелисееви¹⁹ милоти²⁰[121], да раздражу глубину сердечную и пройду в места райская крову дивна²¹ дому Божиа. Весть же и зверь по вшествии солнца собратися²², на ложих своих лягут, и бо птица обрете себе храмину, и грлица гнездо себе, идеже положи птенца своя²³[122], — ты же 6²⁴ лет имаши в манастыри и места твоего не познах».

Блаженый же рече к нему: «Добро есть уповати²⁵ на Господа, нежели²⁶ надеятися на человека[123]: Господь же весть, како препитает²⁷ всю тварь, могай²⁸ заступати²⁹ и спасти³⁰ бедныа. Брата³¹ же моа, не плачита мене, но плачита себе и³² чад своих. Врачевания же в животе не требовах, //

л. 28 мертвии бо живота не имут¹ видети[124], ниже² врачеве могут воскресити». Исходя же с ним в пещеру³, ⁴ископав⁵ гроб себе⁶ и рече сурянину⁷: «Кто наю паче возлюби⁸?» Сурянин же: «⁹Веде, яко аще кто хощет, но ты ¹⁰живи еще¹¹, мене¹² зде положи¹³». Блаженый же¹⁴: «Буди¹⁵ тобе, якоже восхоте». И тако остригься¹⁶, пребысть¹⁷ плачася день и нощ непрестая за 3 месяци. Блаженый же¹⁸, сего¹⁹ утешая²⁰, глаголаше: «Брате Петре, хощеши ли, пойму тя с собою?» Он же с плачем рече к нему: «Хощу, да мене пустиши, и аз за тя умру, ты же моли за мя». ²¹Блаженый рече²² к нему: «Дерзай, чадо, буди готов, в 3-й бо день отъидеши». Ти тако причастився, ²³и возлег, опрятався²⁴, и простре²⁵ нозе²⁶, предасть душу о Господе.

Блаженый же князь Святошя потом пребысть²⁷ 30 лет, не исходив из манастыря, дóндеже преставися в вечный живот. И²⁸ в день покоа²⁹ его мало не весь град обретеся.

И се уведав, брат его³⁰ посла³¹ с молбою, кланяяся³², прося на благословение хрестьца³³, иже³⁴ у³⁵ переманаткы[125] его, ³⁶и подушки его³⁷, ³⁸и колодкы³⁹, на нейже кланяшеся⁴⁰. Игумен же вда ему, рекый⁴¹: «По вере твои буди ти!» Се же ⁴²приим, честно имяше и⁴³ вда игумену 3 гривны злата, да не туне возмет знамение братне.

Сему⁴⁴ Изяславу некогда разболевшуся, уже в нечаянии ото всех, и⁴⁵ при смерти суща того видевше, //

л. 28 об. приседяху ему жена¹ его, и дети, и вси бояре². Сий³ же, ⁴мало восклонився⁵, проси воды печерскаго кладязя, ⁶ти тако⁷ онеме. Пославше⁸, взяша воды; отерше гроб святаго Феодосиа, вдася⁹ же игумен и власяницу[126] Святошину, брата его, да облекуть и¹⁰ в ню. Преже даже¹¹ не вниде носяй¹², проглагола князь: «Изыдете¹³ скоро¹⁴ пред град на сретение¹⁵ преподобныма Феодосию¹⁶ и¹⁷ Николе». И¹⁸ вшедшу же посланному с водою и со власяницею, возпи князь¹⁹: «Никола²⁰! Никола Святоша!» и давшее ему пити, и облекоша и²¹ во власяницу, — и²² абие здрав бысть. И вси прославиша Бога и его угодникы²³. ²⁴Ту же²⁵ власяницу взимаше на ся, егда ся²⁶ разболяше, и²⁷ здрав бываше²⁸. Сам·же к брату ехати хотяше, но удржан быв от тогда сущих епископ²⁹. Во всяку же³⁰ рать³¹ сию власяницу на собе имяше, ти тако без вреда пребываше. Согрешшу же ему некогда, не сме взяти ея на собя, ти тако убьен бысть ³²на полку³³[127]; и заповеда в той положити ся.