Николай Кузнецов – Я люблю читать мою любимую книгу. Черновик (страница 5)

Глава следующая за 12

Бысть же належащу Ему народу, да быша слышали Слово Божие, и той стоя при езере Геннисаретсте, и виде два корабля стояща при езере, рыбарие же отшедше от нею, измываху мрежи. Влез же в кораблю, иже Симонов, моли его от земли отступити мало, и сед учаше из корабля народы. Яко же преста глаголя, рече к Симону: Поступи во глубину, и вверзите мрежи ваша в ловитву. И отвещав Симон рече Ему: Наставниче, нощь всю труждшеся, ничесоже яхом, по глаголу же Твоему ввергу мрежу. И яша множество рыб, протерзашеся же мрежа их. И помануша причастником, иже беху во друзем корабли, да пришедше помогут им, и приидоша, и исполниша оба корабля, яко погружатися има. Видев же Симон Петр, припаде к коленома Иисусовома, глаголя: Изыди от мене, яко муж грешен, Господи. Ужас одержаше его и вся с ним: Иакова и Иоанна сына Зеведеова, о ловитве рыб, яже яша. И рече к Симону Иисус: Не бойся, отселе будеши человеки ловя. И извлекше оба корабля на землю, оставльше вся, вслед Его идоша.

Глава 14

И внидоша в Капернаум, и абие в седьмой день недели вшед в сонмище, учаше.

И дивляхуся о учении Его, учя их яко власть Имый, и не яко книжницы. В сонмищи их человек в дусе нечисте, и воззва, глаголя: Остави, что нам и Тебе, Иисусе Назарянине? Пришел погубити нас, вем Тя, Кто Еси, Святый Божий. И запрети ему Иисус, глаголя: Умолчи и изыди из него.

И стрясе его дух нечистый, и возопи гласом великим, и изыде из него. И ужасошася вси, яко же стязатися им к себе, глаголющим: Что это (сие) учение новое, яко ВЛАСТЬЮ (по области) и духовом нечистым велит, и послушают Его? Изыде же Слух Его абие во всю страну Галилейску.

И абие из сонмища изшедше, приидоша в дом Симонов и Андреов, со Иаковом и Иоанном. Теща же Симонова лежаше огнем жегома, и абие глаголаша Ему о ней. И приступль воздвиже ю, емь за руку ея, и остави ю огнь абие, и служаше им. Позде же бывшу, егда захождаше солнце, приношаху к Нему вся недужныя и бесныя. И весь град собрался к дверем. И исцели многи зле страждущия различными недуги, и бесы многи изгна, и не оставляше глаголати бесы, яко ведяху Его Христа.

И утро нощи, востав изыде, и иде в пусто место, и ту молитву деяше. И искали Его Симон и иже с ним, и обретше Его, глаголаша Ему, вси Тебе ищут. И глагола им: Идем в ближния веси и грады, да и тамо проповем, на сие изыдох. И проповедая на сонмищих их, во всей Галилеи, и бесы изгоня. И прииде к Нему прокажен, моля Его и на колену припадая пред Ним, и глаголя Ему, аще хощеши, можеши мя очистити.

Иисус же милосердовав, простер руку, коснуся его, и глагола ему: Хощу, очистися. И рекшу ему, абие отиде от него прокажение, и чист бысть. И запрещь ему, абие изгна его, и глагола ему: Блюди, никому же ничесоже рцы, но шед покажися иерееви и принеси за очищение твое, яже повеле Моисей, во свидетелство им. Он же изшед начат проповедати много и проносити слово, яко же ктому не мощи Ему яве во град внити, но вне в пустых местех. И прихождаху к нему отвсюду.

Глава 15

И вниде паки в Капернаум по днех, и слышано бысть, яко в дому. И абие собрашася мнози, якоже ктому не вмещатися ни при дверех и глаголаше им слово. И приидоша к Нему носяще разслабленна жилами, носима четырьми, и не могущим приближитися к Нему народа ради, открыша покров, и прокопавше свесиша одр, на немже разслабленный лежаше. Видев же Иисус веру их, глагола разслабленному: Чадо, отпущаются тебе греси твои. Бяху же нецыи от книжник ту седяще и помышляюще в сердцах своих: Что тако глаголет хулы? Кто может оставляти грехи, токмо Единственный Бог?

И абие разумев Иисус Духом Своим, яко тако тии помышляют в себе, рече им: Что помышляете в сердцах ваших? Что есть удобее рещи разслабленному: Отпущаются тебе греси? Или рещи: Востани, и возми одр твой, и ходи? Но да увесте, яко власть имать Сын Человеческий на земли отпущати грехи, глагола разслабленному:

Тебе глаголю, востани, и возми одр твой, и иди в дом твой. И воста абие, и взем одр, изыде пред всеми, яко дивитися всем и славити Бога, глаголющим: Николиже тако видехом.

Глава 16

И преходя Иисус оттуду, виде человека седяща на мытнице, Матфея глаголема, и глагола ему: По Мне гряди. И востав по Нем иде.

И бысть Ему возлежащу в дому, и мнози мытари и грешницы пришедше возлежаху со Иисусом и со ученики Его. И видевше фарисее, глаголаху ученикомъ Его: Почто с мытари и грешники учитель ваш яст и пиет? Иисус же слышав рече им: Не требуют здравии врача, но болящии, шедше же научитеся, что есть: милости хощу, а не жертвы? Не приидох призвати праведники, но грешники на покаяние.

Глава 17

Они же реша к Нему: Почто ученицы Иоановны постятся часто и молитвы творят, такожде и фарисейстии, а Твои ядят и пиют?

Он же рече к ним: Еда можете сыны брачныя, дондеже Жених с ними сотворити поститися? Приидут же дние, егда отят будет от них Жених, и тогда постятся в тыя дни.

Глаголаше же и притчу к ним, яко никтоже приставления ризы новы приставляет на ризу ветху, аще ли же ни, и новую раздерет, и ветсей не согласует еже от новаго. И никтоже вливает вина нова в мехи ветхи, аще ли же ни, расторгнет новое вино мехи, и само излиется, и меси погибнут, но вино новое в мехи новы вливати подобает, и обоя соблюдутся. И никтоже пив ветхое, хощет новаго, глаголет: Ветхое лучше.

Глава 18

По сих же праздник Иудейский, и взыде Иисус во Иерусалим. Есть же во Иерусалимех овчая купель, яже глаголется еврейски Вифесда, пять притвор имущи, в тех слежаше множество болящих, слепых, хромых, сухих, чающих движения воды, ангел Господень на всяко лето схождаше в купель и возмущаше воду, и иже первее влазяше по возмущении воды, здрав бываше, яцем же недугом одержимь бываше. Ту некий человек, (38) тридесять и осмь лет имый в недузе своем. Сего видев Иисус лежаща, и разумев, яко многа лета уже имяше в недузе, глагола ему: Хощеши ли цел быти? Отвеща ему недужный: Ей (Да, подлинно, истинно) Господи, человека не имам, да, егда возмутится вода, ввержетъ мя в купель, егда же прихожду аз, ин прежде мене слазит. Глагола ему Иисус: Востани, возми одр твой, и ходи. И абие здрав бысть человек, и взем одр свой, и хождаше. Седьмой день недели (Суббота) той день. Глаголаху же жидове исцелевшему: Суббота, и не достоит ти взяти одра твоего. Он же отвеща им: Иже мя сотвори цела, Той мне рече: Возми одр твой и ходи. Вопросиша же его: Кто человекъ рекии ти: Возми одр твой и ходи? Исцелевый же не ведяше, Кто есть, Иисус уклонися. Потом же обрете его Иисус в церкви, и рече ему: Се здрав, ктому не согрешай, да не горше ти что будет. Иде же человек, и поведа Иудеом: Иисус иже мя сотвори цела. И сего ради гоняху Иисуса Иудее, и искаху Его убити. Иисус же отвещаваше им: Отец мой доселе делает, и Аз делаю. И сего ради паче искаху Его Иудее убити, яко не токмо разоряше субботу, но и Отца своего глаголаше Бога, равен Творя Богу. Отвеща же Иисус и рече им: Аминь, аминь (ИСТИННО, ИСТИННО) глаголю вам, не может Сын Творити о Себе ничесоже, аще не еже видит Отца творяща, яже Он творит, и Сын такожде творит. Отец любит сына, и вся показует Ему, яже Сам творит, и болша покажет Ему дела, да вы чудитеся. Якоже Отец воскрешает мертвыя и живит, тако и Сын, их же хощет, живит. Отец не судит ни кому же, но суд весь даде Сынови, да вси чтут Сына, якоже чтут Отца. А иже не чтит Сына, не чтит Отца пославшаго Его. Аминь, аминь глаголю вам, яко слушаяй словесе Моего и веруяй пославшему Мя имать ЖИЗНЬ ВЕЧНУЮ (живот вечный), и на суд не приидет, но преидет от смерти в ЖИЗНЬ (живот). Аминь, аминь глаголю вам, яко грядет час, и ныне, егда мертвии услышатъ глас Сына Божия, и услышавше оживут. Якоже Отец имать живот (жизнь) в Себе, тако даде и Сынови живот (жизнь) имети в Себе, и ВЛАСТЬ (область) даде Ему и суд творити, яко Сын Человечь. Не дивитеся сему: яко грядет час, в оньже вси во гробех услышат глас Сына Божия, и изыдут сотворшии благая в воскрешение живота (Жизни), а сотворшии злая в воскрешение суда. Не могу Аз о Себе творити ничесоже, якоже слышу, сужду, и суд Мой праведен, яко не ищу воли Моея, но воли пославшаго Мя Отца. Аще Аз свидетелствую о Мне, свидетелство Мое несть Истинно, Ин свидетелствуяй о Мне, и вем, яко Истинно свидетелство, еже свидетелствует о Мне, вы посласте ко Иоанну, и свидетелствова о Истине. Аз же не от человека свидетелства приемлю, но сия глаголю, да вы спасени будете, он Светилник горя и светя, вы же восхотесте возрадоватися до времене в светении Его. Аз же имам свидетелство более Иоаннова, дела, яже даде мне Отец, да совершу Я, та дела, яже Аз творю, свидетельствуют о Мне, яко Отец Мя посла. И пославый Мя Отец Сам свидетелствова о Мне. Ни гласа Его нигдеже слышасте, ни видения Его видесте, и словесе Его не имате пребывающа в вас, Его же Той посла, Сему вы веры не емлете. Испытайте писаний, яко вы мните в них имети живот вечный, и та свидетелствующая о Мне, и не хощете приити ко Мне, да живот имате. Славы от человек не приемлю, но разумех вы, яко любве Божия не имате в себе. Аз приидох во Имя Отца Моего, и не приемлете Мене, аще ин приидет во имя свое, того приемлете. Како вы можете веровати, славу друг от друга приемлюще, и Славы, яже от Единственного (Единаго) Бога, не ищете? Не мните, яко Аз на вы реку ко Отцу, есть, иже на вы глаголет, Моисей, нань же вы уповаете. Аще веровали Моисеови, веровали и Мне, о Мне той писа. Аще ли того писанием не веруете, како Моим глаголом веру имете?