Николай Кузнецов – Я люблю читать мою любимую книгу. Черновик (страница 3)

Глава 4

В 15-ое (пятое же надесяте) лето владычества Тивериа Кесаря, обладающу Понтийскому Пилату Иудеею, и четвертовластвующу Галилеею Ироду, при Архиереи Анне и Каиафе, бысть глагол Божий ко Иоанну Захариину сыну в пустыни. И прииде во всю страну Иорданскую, проповедая Крещение Покаяния Во Оставление Грехов, яко же есть писано в книзе словес Исаии Пророка, глаголюща: Глас вопиющаго в пустыни, уготовайте путь Господень, правы творите стези Его, всяка дебрь исполнится, и всяка гора и холм смирится, и будут стропотная в правая, и острии в пути гладки, и узрит всяка плоть Спасение. Глаголаше же исходящим народом креститися от Него: Порождения ехиднова, кто сказа вам бежати от Грядущаго Гнева? Сотворите плоды достоины покаяния, и не начинайте глаголати в себе: Отца имамы Авраама. Глаголю вам: Может Бог от камения воздвигнути чада Аврааму, уже и секира при корени древа лежит, всяко древо, не творящее плода добра, посекается и во огнь вметается. И вопрошаху Его народи, глаголюще: Что сотворим? Отвещав же глагола им: Имеяй две ризе, да подаст не имущему, и имеяй изобилие, такожде да творит. Приидоша же и мытари креститися от Него, и реша к Нему: Учителю, что сотворим? Он же рече к ним: Ничтоже более от повеленнаго вам творите. Вопрошаху же Его и воини, глаголюще: И мы, что сотворим? И рече к ним: Никого же обидите, ни оклеветавайте, и доволни будите оброки вашими. Чающим же людем, и помышляющим всем в сердцах своих о Иоанне, еда той Христос, отвещаваше Иоанн всем, глаголя: Аз Водою Крещаю вы, Грядет же Креплий мене, Ему же несмь достоин отрешити ремень сапогу Его, Той вы Крестит Духом Святым и Огнем, Ему же лопата в руку Его, и отребитъ гумно Свое, и соберет пшеницу в житницу Свою, плевы же сожжет огнем негасающим. Многа же и ина, утешая благовествоваше людем.

Бога никтоже виде нигде же, ЕДИНСТВЕННОРОЖДЕННЫЙ Сын, в лоне Отчи, Той исповеда. И свидетельство Иоанново, егда послаша жидове от Иерусалима иереев и левитов, да вопросят Его: Ты Кто еси? И исповеда и не отвержеся, и исповеда: Яко Несмь Аз Христос. И вопросиша Его: Илиа ли еси Ты? И глагола: Несмь. Пророк ли еси? И отвеща: Ни. Реша же Ему: Кто еси? Да ответ дамы пославшим ны: Что глаголеши о тебе самем? Рече: Аз глас вопиющаго в пустыни, исправите путь Господень, яко же рече Исаиа Пророк. И посланнии от фарисей вопросиша Его и реша Ему: Что крещаеши, аще Ты неси Христос, ни Илиа, ни Пророк? Отвеща им Иоанн, глаголя: Аз Крещаю Водою, посреде же вас Стоит, Его же вы не весте, Той Грядый по Мне, иже Предо Мною Бысть, Ему же несмь Аз достоин, да отрешу ремень сапогу Его. Сия в Вифаваре быша об он пол Иордана, идеже Иоанн Крестя.

Глава 5

Во дни же оны, Креститель, проповедая в пустыни Иудейстей и глаголя: Покайтеся, приближибося Царствие Небесное. Сам же Иоанн имяше ризу свою от влас велблуждь, и пояс усмен о чреслех своих, снедь же Его: саранча, грибы (пружии) и мед дивий. Тогда исхождаше к Нему Иерусалима, и вся Иудеа, и вся страна Иорданская, и крещахуся во Иордане от Него, исповедающе грехи своя. Тогда приходит Иисус от Галилеи на Иордан ко Иоанну Креститися от Него. Иоанн же возбраняше Ему, глаголя: Аз требую Тобою Креститися, и Ты ли грядеши ко Мне? Отвещав же Иисус рече к Нему: Остави ныне, тако подобает Нам исполнити всяку правду. Тогда остави Его. И Крестився Иисус взыде абие от воды, и отверзошася Ему небеса, и виде Духа Божия Сходяща Яко Голубя и Грядуща на Него. И Глас с небесе Глаголя: Сей есть Сын Мой Возлюбленный, о Нем же Благоволих.

Глава 6

Тогда Иисус возведен бысть Духом в пустыню искуситися от клеветника (дьявола),

и постився дний четыредесять и нощий четыредесять, последи взалка. И приступль к Нему искуситель рече: Аще Сын Божий, рцы, да камение хлебы будут.

Он же отвещав рече: Писано: Не о хлебе жив будет человек, но о всяцем Глаголе исходящем из уст Божиих.

Тогда поят Его диавол во святый град, и постави Его на криле церковнем, и глагола Ему: Аще Сын Божий, верзися низу, писано: яко Ангелом своим заповесть сохранити тя, и на руках возмут тя, да не когда преткнеши о камень ногу Твою. Рече же ему Иисус: писано: Не искусиши Господа Бога Твоего. Паки (снова) поят Его клеветник (дьявол, князь воздушный) на гору высоку, и показа Ему вся царствия мира и славу их, и глагола Ему: Вся Тебе дам, аще пад поклонишимися. Тогда глагола ему Иисус: Иди за мною, сатано (противник Бога), писано: Господу Богу Твоему поклонишися и Тому ЕДИНСТВЕННОМУ послужиши. Тогда остави Его диавол, и Ангели приступиша и служаху Ему.

Глава 7

Во утрий же виде Иоанн Иисуса грядуща к Себе и глагола: Агнец Божий, вземляй грехи мира, о Нем же Аз рех: По Мне Грядет муж, иже предо Мною Бысть, яко Первее Мене, и Аз не ведех Его, но да явится Израилеви, сего ради приидох Аз Водою Крестя. И свидетелствова Иоанн, глаголя: Видех Духа сходяща яко голубя с небесе, и пребысть на Нем, Аз не ведех Его, но Пославый Мя Крестити Водою, Той Мне рече: Над Него же узриши Духа Сходяща и Пребывающа на Нем, Той Крестяй Духом Святым, и Аз видех и свидетелствовах, Сей есть Сын Божий. Во утрий же, паки стояше Иоанн, и от ученик Его два. И узрев Иисуса грядуща, глагола: Агнец Божий. И слышаста Его оба ученика глаголющаго, и по Иисусе идоста. Обращься же Иисус и видев по Себе идуща, глагола има: Чесо ищета? Она же реста Ему: Равви, еже глаголется сказаемо учителю, где живеши? И глагола има: Приидита и видита. Приидоста и видеста, где живяше, и у Него пребыста день той. В час десятый (третий) Андрей, брат Симона Петра, ПЕРВЫЙ от обою слышавшею от Иоанна и по Нем шедшею, обрете прежде брата своего Симона и глагола ему: Обретохом Мессию, еже сказаемо Христос. И приведе Его ко Иисусови. Воззрев же нань Иисус рече: Ты еси Симон сын Ионин, Ты наречешися Кифа, еже сказается Петр. Во утрий же восхоте изыти в Галилею, и обрете Филиппа и глагола Ему: Гряди по Мне, Филипп от Вифсаиды, от града Андреова и Петрова. Обрете Филипп Нафанаила и глагола ему: Его же писа Моисей в законе и пророцы, обретохом Иисуса сына Иосифова, иже от Назарета. И глагола ему Нафанаил: От Назарета может ли что добро быти? Глагола ему Филипп: Прииди и виждь. Виде Иисус Нафанаила грядуща к себе и глагола о нем: Воистину Израильтянин, в нем же льсти несть. Глагола Ему Нафанаил: Како мя знаеши? Отвеща Иисус и рече ему: Прежде даже не возгласи тебе Филипп, под смоковницею видех тя.

Отвеща Нафанаил и глагола Ему: Равви, Ты Сын Божий, ты Царь Израилев. Отвеща Иисус и рече Ему: Рех ти, яко Видех тя под смоковницею, веруеши, больша узриши. И глагола ему: ИСТИННО, ИСТИННО глаголю вам, отселе узрите Небо Отверсто и Ангелы Божия Восходящия и Низходящия Над Сына Человеческаго.

Глава 8

И в третий день брак бысть в Кане Калиейстей, и мати Иисусова ту.

Зван же бысть Иисус и ученицы Его на брак. И недоставшу вину, глагола мати Иисусова к Нему: Вина не имут. Глагола ей Иисус: Что мне и тебе, жено? Не у прииде час Мой. Глагола мати Его слугам: Еже аще глаголет вам, сотворите. Беху же ту водоноси каменни шесть, лежаще по очищению Иудейску, вместящий по 80 или 120 литров (двем или трием мерам). Глагола им Иисус: Наполните водоносы воды. И наполниша их до верха. И глагола им: Почерпите ныне и принесите архитриклинови. И принесоша. Яко же вкуси архитриклин вина бывшаго от воды, и не ведаше откуду, слуги же ведяху почерпшии воду, пригласи жениха архитриклин. И глагола ему: Всяк человек прежде доброе вино полагает, и егда упиются, тогда хуждшее, ты же соблюл доброе вино доселе. Сотвори начаток знамением Иисус в Кане Галилейстей и яви Славу Свою, и вероваша в Него ученицы Его. По сем сниде в Капернаум Сам и мати Его, и братия Его, и ту не многи дни пребыша. И близ Пасха Иудейска, и взыде во Иерусалим Иисус. И обрете в церкви продающая овцы и волы и голуби, и пеняжники седящия. И сотворив бичь от вервий, вся изгна из Церкве, овцы и волы, и торжником разсыпа пенязи и дски опроверже, и продающим голуби рече: Возмите отсюду и не творите Дому Отца Моего Дому купли. Помянуша же ученицы Его, яко писано: Ревность Дому Твоего снеде Мя.

Отвещаша же Иудее и реша Ему: кое знамение являеши нам, яко твориши. Отвеща Иисус и рече им: Разорите церковь, и треми денми воздвигну Ю. Реша же иудее: 46 (Четыредесять и шестию) лет создана бысть церковь, и ты ли треми денми воздвигнеши Ю? Он же Глаголаше О Церкви Тела Своего.

Егда Воста от мертвых, ВОСКРЕСНУВ, помянуша ученицы Его, яко глаголаше, и вероваша писанию и словеси, еже рече Иисус. В Иерусалимех в праздник Пасхи, мнози вероваша во Имя Его, видяще Знамения Его, яже творяше.

Сам же Иисус не вдаяше Себе в веру их, Сам ведяше вся, и яко не требоваше, да кто свидетельствует о человецех, Сам ведяше, что в человецех.

Глава 9

Человек от фарисей, Никодим имя ему, князь жидовский, прииде ко Иисусу нощию, и рече ему: Равви, вем, яко от Бога пришел еси учитель, никто же может знамений творити, яже твориши, аще не будет Бог с Ним. Отвеща Иисус и рече ему: ИСТИННО, ИСТИННО глаголю тебе: Аще кто не родится свыше, не может видети Царствия Божия.

Глагола к Нему Никодим: Како может человек родитися стар? Еда может второе внити во утробу матере своея и родитися? Отвеща Иисус: Аминь, аминь глаголю тебе, аще кто не родится водою и Духом, не может внити во Царствие Божие, рожденное от плоти плоть есть, и рожденное от Духа Дух есть.