Эрнест Сетон-Томпсон – Бөрүлер дугайында чечен чугаалар (Рассказы о волках) (страница 4)
Бөрү аңаа барык-ла ийи хүн болгаш ийи дүн дургузунда туттурган черинге чыдып турган, адак сөөлүнде, хосталгаже чүткүп үнүп чадап кааш, шыгырт турупкан. Ынчалзажок чоокшулап кээримге ол көдүрлүп келгеш, сиртин сирбейтип, кашпалдыӊ ханаларын сириледир сөөлгү катап дыӊзыг, узун-суук үнү-биле өөр бөрүлерин кыйгырып, улуй берди.
Ынчалза-даа ооӊ кыйгызынга кым-даа деткип харыылавады, айыыл-халаптыӊ үезинде өөрү каапкаш барган деп, ол билген дег, менче коргар чүвези чок, коргунчуг күженип, шурай берди. Ынчалзажок бүгү чүве хей болган. Какпа бүрүзүнүӊ деӊзизи үш-чүс хире фунт3 бооп турар. Демир диштер кырган бөрүнүӊ даваннарын быжыг туткаш, салбаан. Кадыг илчирбелерни ооң канчаар-даа аажок улуг азыг диштери-биле шаккыӊайндыр ызырып турганын көрген болзуӊарза! Боомнуӊ унун араатанга дээстип чыдырымда, ол аӊаа диштериниӊ изин арттырган болду, ол истер олчаан читпээн чүве. Кырган бөрүнүң карактары көөр хөӊнү чогундан болгаш өжээнинден шуут карара берген, мээӊ холумну болгаш чанымда кортканындан сириӊейнип турган аъдымны ызырыптар дээш оралдажырга, ооӊ чаагыныӊ сөөктери шаккыӊайнып, элдептиг, куруг-хос дааш үндүрүп шаг болду. Ынчалза-даа ол аштаанындан база хөй хан чидиргенинден шаа төнгеш, удавайн черге чыдып алды.
Ооң тудуп алган амытаннарын канчап турганын бодап келгеш, база шак-ла ынчаар ялалаар деп турзумза-даа, сагыжым чагдатпайн барды.
– Өндүр улуг кырган араатан болгай сен, хоойлу-дүрүмге таарышпас хөй-ле каржы халдаашкыннарныӊ маадыры – деп аӊаа чугааладым, – бичии болгаш кеземчени ап, чортуп каар сен! Оон өске аргам чок!
Сыдымымны ооӊ бажыныӊ кырындан сыгыртыр октаптым.
Конец ознакомительного фрагмента.
Текст предоставлен ООО «Литрес».
Прочитайте эту книгу целиком, купив полную легальную версию на Литрес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.