Аскольд Де Герсо – Юратап эп сана (страница 11)
Сана пит савать», —
Вăрттăн çеç Амур
Сиплев савалать.
Çавхатер илемлĕ
Хĕр çитĕннĕ кÿршĕре,
Сăпсан çинçе пилĕклĕ
Епле чăттăр-ха, чĕре.
Пуринпе те ăшшăн,
Уççăн калаçать.
Тĕнчере çук тейĕн,
Сасси тыткăнлать.
Çав тери те çепĕç
Çăл евĕр юхать.
Чĕре ман чул мар-çке
Çулăмпа çунать.
Курăнмасть кăна,
Çиеле тухмасть.
Савнă пике сăнĕ
Асăмран каймасть.
Каçхине тухсассăн:
«Пĕтĕм чунтан ытарап:
Юратап, – тесе каласшăн,
Темшĕн – вăтанап.
Юратап сана, – тесессĕн
Енчен йышăнмасть?
Пурпĕрех пĕтетĕп
Чун тăнăçланмасть.
Пĕр каçхине вăйăра
Шанса пĕтме çук.
Уçрăм хамăн чĕрене:
«Арăм пул, Лисук!»
Ялти сарă пикене
Эпĕ савнă тахçанах,
Чĕрене уçса чĕнме
Хăюлăх сахалтарах.
Хальхинче те ăшшăн
Пăхрĕ ман çине,
Чĕнчĕ вăл йăвашшăн:
«Мĕн тейĕ, анне».
Мул енчен катăк та
Вăй-халăм ман пур.
Пурнăçри йывăрлăхран
Хĕрÿ чĕре пур.
Юратсассăн чĕререн
Пире ним те çитеймест
Савнă чĕре ăшшине
Вут кăвар та çĕнеймест.
Çулталăк çавăнтанпа
Иртсе кайрĕ ĕç-хĕлпе,
Кайăксем, ав, кăнтăра
Туртăнаççĕ картипе.
Лисукпа эпир телейлĕ
Çĕнĕ çуртра савăнса
Пурăнатпăр халь илемлĕ
Вулакана ыр сунса…
Арçури