Георгий Федотов – Святые Древней Руси (страница 17)

Певцы: Иже в девятый час…)

Слава, и ныне: Богородичен:

Иже нас ради рожде́йся от Девы, и распятие претерпе́в, Благи́й, испрове́ргий смертию смерть, и воскресение явле́й я́ко Бог, не пре́зри, яже созда́л еси́ рукою Твоею; яви́ человеколюбие Твое, Ми́лостиве, приими́ ро́ждшую Тя Богородицу, молящуюся за ны, и спаси́, Спа́се наш, люди отча́янныя.

Не преда́ждь нас до конца, и́мене Твоего ради, и не разори́ завета Твоего, и не отста́ви милости Твоея́ от нас, Авраа́ма ради возлюбленнаго от Тебе, и за Исаа́ка, раба Твоего, и Изра́иля святаго Твоего.

Трисвятое. И по Отче наш.

(Если кондака нет, или Великий пост:

Видя разбойник Начальника жизни на кресте ви́сяща, глаго́лаше: а́ще не бы Бог был вопло́щься, Иже с нами распны́йся, не бы солнце лучи своя потаи́ло; ниже́ бы земля трепе́щущи тряслася, но вся терпяй, помяни́ мя, Господи, во Царствии Твоем.

Слава: Посреде́ двою́ разбо́йнику, ме́рило праведное обре́теся крест Твой: о́вому у́бо низводи́му во ад тягото́ю хуления, другому же легча́щуся от прегрешений, к познанию богословия. Христе́ Боже, слава Тебе.

И ныне: Агнца, и Пастыря, и Спаса мира, на кресте зря́щи, Ро́ждшая Тя глаго́лаше слезя́щи: мир убо радуется, прие́мля избавление, утроба же Моя горит, зря́щи Твое распятие, еже за всех терпи́ши, Сы́не и Боже мой.)

Господи, помилуй. (40 раз)

Иже на всякое время и на всякий час, на небеси́ и на земли покланя́емый и сла́вимый, Христе́ Боже, долготерпели́ве, многоми́лостиве, многоблагоутро́бне, Иже праведныя любя́й, и грешныя ми́луяй, Иже вся зовы́й ко спасению обещания ради будущих благ, Сам, Господи, приими́ и наша в час сей молитвы, и исправи живот наш к за́поведем Твоим, души наша освяти́, телеса очисти, помышления исправи, мысли очисти, и избави нас от всякия ско́рби, зол и болезней, огради нас святыми Твоими А́нгелы, да ополче́нием их соблюда́еми и наставля́еми, достигнем в соединение веры, и в разум непристу́пныя Твоея́ славы, я́ко благословен еси́ во веки веков, аминь.

Господи, помилуй. (Трижды) Слава, и ныне:

Честне́йшую Херуви́м и сла́внейшую без сравнения Серафим, без истле́ния Бога Слова ро́ждшую, сущую Богородицу Тя величаем.

Именем Господним благослови, отче.

Иерей: Боже, уще́дри ны…

(Если Великий пост – молитва св. Ефрема Сирина: Господи и Владыко…)

Чтец: Аминь.

Владыко Господи, Иисусе Христе́ Боже наш, долготерпе́вый о наших согрешениих, и даже до нынешняго часа́ приведы́й нас, во́ньже на животворящем древе ви́ся, благоразумному разбойнику, иже в рай путесотвори́л еси́ вход, и смертию смерть разруши́л еси́, очисти нас, грешных и недостойных раб Твоих. Согрешихом бо и беззако́нновахом, и не́смы достойни возвести очеса́ наша и воззрети на высоту небесную; зане́ оста́вихом путь правды Твоея́, и ходи́хом в волях сердец наших. Но молим Твою безмерную благость, пощади нас, Господи, по множеству милости Твоея́, и спаси нас и́мене Твоего ради святаго, я́ко исчезо́ша в суете дни́е наши, изми́ нас из руки́ сопротивнаго, и остави нам грехи наша, и умертви́ плотско́е наше мудрова́ние, да ветхаго отложивше человека, в новаго облеце́мся, и Тебе поживе́м, нашему Влады́це и Благодетелю, и тако Твоим после́дующе повеле́нием, в вечный покой достигнем, иде́же есть всех веселящихся жилище, Ты бо еси́ воистинну истинное веселие и радость любящих Тя, Христе́ Боже наш, и Тебе славу возсылаем, со Безначальным Твоим Отцем, и Пресвяты́м и Благи́м и Животворя́щим Твоим Духом, ныне и присно и во веки веков. Аминь.

Слава, и ныне. Господи, помилуй. (Трижды) Благослови.

(Священник произносит отпуст.)

Чтец: Аминь.

Всенощное бдение

Великая вечерня

Диакон:[8] Воста́ните! Господи, благослови́!

Иерей: Сла́ва Святе́й, и Единосу́щней, и Животворя́щей, и Неразде́льней Тро́ице всегда, ны́не и при́сно и во ве́ки веко́в.

Хор: Аминь.

Священнослужители в алтаре:

Прииди́те, поклони́мся Царе́ви нашему Богу.

Прииди́те, поклони́мся и припаде́м[9] Христу, Царе́ви нашему Богу.

Прииди́те, поклони́мся и припадем Самому́ Христу, Цареви и Богу нашему.

Прииди́те, поклони́мся и припаде́м Ему́.

Благослови́, душе́ моя, Господа. [Благослове́н еси́, Господи.] Го́споди Боже мой, возвели́чился еси́ зело́[11] [Благословен еси́, Господи], во испове́дание[12] и в велеле́поту⁴ обле́кся еси́. Одея́йся све́том яко⁵ ри́зою⁶, простира́яй небо я́ко кожу. Покрыва́яй вода́ми превы́спренняя⁷ Своя, полага́яй о́блаки на восхожде́ние Свое, ходя́й на крилу́ ве́треню⁸. Творя́й⁹ А́нгелы Своя ду́хи, и слуги́ Своя пламень огненный. Основа́яй землю на тве́рди ея́, не преклони́тся¹⁰ в век века. Бе́здна, я́ко ри́за, одея́ние ея́, на гора́х ста́нут¹¹ во́ды. [Ди́вна дела́ Твоя́, Го́споди.] От запреще́ния[13] Твоего́ побе́гнут, от гла́са гро́ма Твоего убоя́тся. Восхо́дят го́ры и низхо́дят поля́ в место, е́же основа́л² еси́ им. Преде́л положи́л еси́, егоже не пре́йдут, ниже́ обратя́тся покры́ти зе́млю. Посыла́яй исто́чники в де́брех³, посреде́ гор про́йдут во́ды. Напая́ют вся зве́ри се́льныя⁴, ждут она́гри⁵ в жа́жду свою. На ты́х⁶ птицы небе́сныя привита́ют⁷, от среды́ ка́мения дадя́т глас⁸. Напая́яй го́ры от превы́спренних⁹ Свои́х; от плода́ дел Твои́х насы́тится земля́. Прозяба́яй¹⁰ траву́ ското́м, и злак¹¹ на службу челове́ком, извести́¹² хлеб от земли. И вино весели́т сердце челове́ка, ума́стити лице́ еле́ем¹³, и хлеб сердце человека укрепи́т. Насы́тятся древа́ польска́я¹⁴, ке́дри лива́нстии¹⁵, и́хже еси́ насади́л. Та́мо птицы вогнездя́тся¹⁶, ероди́ево жили́ще¹⁷ предводи́тельствует¹⁸ и́ми. Горы высо́кия еле́нем¹⁹, камень прибежище за́яцем. Сотвори́л есть луну во времена́,[14] солнце позна́ за́пад свой. Положи́л еси́ тьму, и бысть нощь, в не́йже пройдут вси зве́рие дубра́внии², ски́мни³ рыка́ющии восхи́тити⁴ и взыска́ти от Бога пищу себе. Возсия́ солнце, и собра́шася, и в ло́жах своих ля́гут. Изы́дет челове́к на де́ло свое́, и на де́лание свое́ до ве́чера. я́ко возвели́чишася дела́ Твоя Господи, вся прему́дростию сотвори́л еси́: испо́лнися земля тва́ри Твоея́. Сие́ море вели́кое и простра́нное, та́мо га́ди⁵, ихже несть числа́, живо́тная ма́лая с вели́кими. Та́мо корабли́ препла́вают, змий⁶ сей, его́же созда́л еси́ руга́тися⁷ ему́. Вся к Тебе ча́ют⁸, да́ти пи́щу им во бла́го вре́мя. Да́вшу Тебе́ им, соберу́т; отве́рзшу Тебе́ ру́ку, вся́ческая испо́лнятся бла́гости. Отвра́щшу же Тебе́ лице́, возмяту́тся⁹; оты́меши дух¹⁰ их, и исче́знут, и в персть свою¹¹ возвратя́тся. По́слеши Духа Твоего, и сози́ждутся, и обнови́ши лице́ земли́. Бу́ди сла́ва Госпо́дня во ве́ки: возвесели́тся Господь о де́лех Своих. Призира́яй[15] на зе́млю, и творя́й ю́² трясти́ся³, прикаса́яйся гора́м, и дымя́тся. Воспою́ Го́сподеви в животе́⁴ мое́м, пою Богу моему, до́ндеже есмь⁵. Да услади́тся ему бесе́да моя, аз⁶ же возвеселю́ся о Го́споде. Да исче́знут грешницы от земли, и беззаконницы, я́коже не бы́ти им. благослови́, душе моя, Господа. [Слава Ти, Господи, сотвори́вшему вся.]

Слава Отцу и Сыну и Святому Духу, и ныне и присно и во веки веков. Аминь⁷.[16]

Аллилуиа, аллилуиа, аллилуиа, слава Тебе, Боже. (Трижды)

Священник тихо читает молитвы светильничные на вседневной вечерне пред царскими вратами, а на всенощной – в алтаре.

Диакон: Ми́ром[17] Господу помо́лимся.

Хор: Господи, помилуй. (На каждое прошение.)

Диакон: О свы́шнем² ми́ре и спасе́нии душ наших Господу помо́лимся.

О ми́ре всего мира, благостоя́нии святы́х Бо́жиих Церкве́й и соедине́нии всех Господу помо́лимся.

О святе́м храме сем и с ве́рою, благогове́нием и стра́хом Бо́жиим входя́щих во́нь³ Господу помо́лимся.

О Вели́ком Господи́не и Отце́ нашем Святе́йшем Патриа́рхе Кирилле, и о господи́не на́шем преосвяще́ннейшем митрополи́те (или: архиепи́скопе, или: епи́скопе) (имя), честне́м пресви́терстве⁴, во Христе́ диа́констве, о всем при́чте⁵ и лю́дех Господу помо́лимся.

О богохрани́мей стране́ на́шей, власте́х и во́инстве ея́ Господу помо́лимся.

О гра́де сем[18] (или: о ве́си² сей; если в монастыре́, то: о святе́й оби́тели сей), вся́ком гра́де, стране́ и ве́рою живу́щих в них Господу помо́лимся.

О благорастворе́нии возду́хов³, о изоби́лии плодо́в земны́х и вре́менех ми́рных Господу помо́лимся.

О пла́вающих, путеше́ствующих, неду́гующих⁴, стра́ждущих, плене́нных и о спасе́нии их Господу помо́лимся.

О изба́витися нам от вся́кия скорби, гнева и ну́жды Господу помо́лимся.

Заступи́, спаси́, поми́луй и сохрани́ нас, Боже, Твоею благода́тию.

Пресвяту́ю, Пречи́стую, Преблагослове́нную, сла́вную Влады́чицу нашу Богоро́дицу и Присноде́ву Мари́ю со все́ми святы́ми помяну́вше, са́ми себе́, и друг дру́га, и весь живо́т⁵ наш Христу Богу предади́м.

Хор: Тебе, Господи.

Иерей: Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Хор: Блаже́н[19] муж, и́же не и́де² на сове́т нечести́вых. Аллилуиа, аллилуиа, аллилуиа.

Я́ко весть³ Господь путь пра́ведных, и путь нечести́вых поги́бнет. Аллилуиа, аллилуиа, аллилуиа.

Рабо́тайте Го́сподеви со стра́хом⁴ и ра́дуйтеся Ему́ с тре́петом. Аллилуиа, аллилуиа, аллилуиа.

Блаже́ни вси наде́ющиися Нань⁵. Аллилуиа, аллилуиа, аллилуиа.

Воскресни́, Господи, спаси мя, Боже мой. Аллилуиа, аллилуиа, аллилуиа.

Госпо́дне есть спасе́ние, и на лю́дех Твоих благослове́ние Твое́. Аллилуиа, аллилуиа, аллилуиа.