Анатолий Калинин – Ром. На цыганском языке (диалект русска рома) (страница 23)
– И ту?!
Будулаё подтвердил:
– И мэ, товарищё генерало.
Нэ англыдыр сыр генерало обрушил про лэскиро шэро холы, Будулаё сыго пхэндя:
– Дэнте мангэ, пожалуйста, тэ пхэнав, а после гвалтынэнти прэ мандэ.
– Мандэ нанэ времё тэ ракирав дезиртироса, – резкэс обрискирдя генерало, обрисияпэ ко Будулаё думоса, камья тэ заджял дро кхэр. Урикирдэ лава:
– Мэ никэдэ на сомас дезиртироса, и не могу позволить адякэ ман тэ кхарэс!
Генерало локхэс обрисияпэ кэ ёв:
– А сыр же припхэнэса тут тэ кхарав?! Дезертиро и исы. Мэ екхатыр же удыкхтём, со ту кэ мэ пал расчёто явьян. Или нат?
– Пал расчёто, товарищё генерало.
– А англыдыр рипирэс, со мангэ ракирэсас?
– Рипирав.
– И пал адава ту ещё камэс, собы мэ туса адай ракиравас?
– Нат, прэ крыльцо на чейно, – серьёзнэс пхэндя Будулаё.
Генерало подыкхтя лэскэ дро якха. Уж на салпэ ли адава ром? Нат, дро якха нанэ сабэ.
– Может, мангэ тут дро кхэр про чаё тэ покхарав?
– Можете не беспокоиться, товарищё генерало. Мэ уже пиём чаё, – пхэндя Будулаё.
Генерало подыкхтя лэскэ дро якха, и состыр явья ладжяво. Ёв только буркнул:
– Нэ рипир, со пхурдыны на лэла ман тэ дужакирэл.
Шофёро и подремал, и пошундя радио, нэ порта дякэ и на откэрдэ. Посигналить дарэлпэ. Генерало на камэл опаздывать, и если на джял, то исы причина. Только на полэл, сави причина, со за ракирибэ дасаво долго ромэса?
Уже и кхам уштыя, кхэлэл прэ вершушки каштэнца, кэдэ выгэя генерало и ром.
– А мэ подуминдём, со и тут потырдыя тэ традэс пал балвал, – пхэндя ёв, пхаро сгэя ступенькэндыр, – нэ адай вавир рэндо. Ада великодушие тутыр. Может, и мэ скэрдём дякэ же… а, может, и нат… Мэ саро джиибэ, даже дро патря, на камам тэ ачявпэ дылынэса. Нат, ту на холясов, мэ же пхэндём, со ада благородно, нэ… тутэ исы времё вашо выборо, никон же тут на традэл одоцир дрэ мэн… Твёрдо решил?
– Твёрдо.
– И ту думинэс, со ёнэ тиминэн ада?
– Мэ на думиндём пал дава, товарищё генерало.
– Нэ со же, сыр ракирэлпэ, вольному воля. На камам мэ тут тэ мэкав, лачё табунщико, нэ и тэ рикирав не могу. Если закамэса – штэто ваш тукэ латхаса.
– Наис.
Генерало на закамья, собы Будулаё гинэлас лэс сентиментально, пал адава пхэндя:
– Табунщикэнца кэ амэ нанэ густо. Можешь тэ гинэс, со дро бессрочно отпуско.
– Наис, товарищё генерало.
Генерало промэктя лэскири парикирибэ:
– И со же, ту пир пэскирэ патря махнёшь с начала и жыко концо?
– Пир лэндэ, товарищё генерало.
– А палэ?
– На джинав. Одой подыкхава.
– Может, сыр сородичей потырдэла тэ лодэс?
– Нат, мэ пэскиро отлодыём.
– Нэ тогда зарипир, со мэ пхэндём. И на чейно ман тэ парикирэс. Мэ начальнико конезавода, а кэ амэ табунщикэнца дефицито… Если откровенно тэ ракирэс, то мэ бы и кокоро карик – нибудь… Нэ, ни сыр на скэдавапэ. Если бы мэ сомас екджино, сыр ту… А сыр ту скэдэспэ тэ традас?
Будулаё посыкадя прэ велосипедо:
– Эна миро грай.
– Нэ, прэ лэстэ дур на утрадэса…
Генерало задуминдяпэ, а палэ спучья:
– Кэ амэ дуй мотоциклы?
– Дуй, товарищё генерало.
– А ловэ тутэ исы?
– Мангэ нанэ карик тратить, товарищё генерало.
– Нэ тогда… – и генерало вытырдыя тыкны записно лылвари, со – то начиндя размашисто, – Акэ, заджя дрэ бухгалтерия, влыджя ловэ, скицик чейно, и дыкх мангэ, собы табуно сдыя пиро акто. Собы сыс зоотехнико и ветеринаро. Кэ тумэ на сыс ЧП? Сарэ грайя цела?
Конец ознакомительного фрагмента.
Текст предоставлен ООО «Литрес».
Прочитайте эту книгу целиком, купив полную легальную версию на Литрес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.