Fransuaza Saqan - Seçilmiş əsərləri

Fransuaza Saqanın “Seçilmiş əsərləri” kitabına onun “Boyunduruq”, “Dolanbac yollarda”, “Müəmmalı təbəssüm” romanları və “Sehrli buludlar”, “Məğlubiyyət zəngi” adlı povestləri daxil edilmişdir. Məhəbbət, tənhalıq, həyatdan narazılıq motivlərinin üstünlük təşkil etdiyi F.Saqan yaradıcılığı bütün incəliyi, dəqiqliyi, həqiqətə uyğunluğu ilə digərlərindən fərqlənir. Onun haqqında hər zaman “Saqan nəqletmə manerasının aydınlığı və psixoloji təsvirin dəqiqliyi ilə seçilir” yazırlar. O təkcə əsərləri ilə deyil, yaşam tərzi və həyatı, ədəbi karyerası ilə də maraq doğuran yazıçı olmuşdur. Müasirliyin və qalmaqallarla dolu bir həyatın simvolu olan bu yazıçı öz sadə süjetli əsərlərində bəzən primitiv görünsə belə, özünü və adını oxucu yaddaşına yazmağı bacarmışdır.